Ҳуқуқни муҳофаза қилиш органлари ўртасидаги мусобақада ғолиб номи маълум

Миллий олимпия қўмитаси ташаббуси билан ташкил қилинган турнирда Ўзбекистон Республикаси Давлат божхона қўмитаси, Бош Прокуратура, Ички ишлар вазирлиги, Мудофаа вазирлиги, Давлат Солиқ қўмитаси, Давлат хавфсизлик хизмати, Адлия вазирлиги жамоалари совринли ўринлар учун кураш олиб боришди. Мусобақада аввалига гуруҳ босқич баҳслари ўтказилди. Ўз гуруҳларида дастлабки икки ўринни қўлга киритган жамоалар ҳал қилувчи босқичга йўл олдилар.

Кеча турнирда совриндорлар номи маълум бўлди. Учинчи ўринни Давлат хавфсизлик хизмати ходимларидан ташкил топган жамоа эгаллади. Ҳал қилувчи ўйинда эса Бош прокуратура ва Ички ишлар вазирлиги жамоалари тўқнаш келишди. Кескин курашларга бой кечган ўйинда Бош прокуратура ходимларидан тузилган жамоа 3:2 ҳисобида ғалаба қозонди ва турнир ғолибига айланди.