IAAF Исинбаевага Олимпиадада иштирок этиш учун рухсат бермади

Икки карра олимпия ўйинлари чемпионининг ўзи ҳам бу маълумотни тасдиқлади. 21 июль куни Спорт арбитраж суди Россия енгил атлетика федерациясининг апеляциясига рад жавобини берганди. Бу эса 68 нафар россиялик енгил атлет, шу жумладан Елена Исинбаеванинг ҳам Бразилияга бормаслигини англатади.

“Қадрли дўстлар, матбуот ҳодимлари. Менинг Олимпиадада иштирок этишим мумкинлиги ҳақидаги хабар ёлғон бўлиб чиқди. Менга Халқаро енгил атлетика федерацияси котибининг шахсан ўзи хабар бериб, Олимпиадада иштирок этмаслигимни айтди. Афсус, мўъжиза рўй бермади”, - дейди Исинбаева ўзининг “Инстаграм”даги саҳифасида қолдирган хабарида.