Иш судгача етиб бормади, Фьюри-Кличко жанги ўтказилади

Бу маълумотни Фьюрининг амакиси, ҳам мураббийи Питер Фьюри тасдиқлади. Ўтган йили Кличко барча чемпионлик камарларини Тайсон Фьюрига бой бериб қўйганди. Шундан сўнг боксчилар ўртасида реванш жанги ўтказилишига келишиб олинган эди.

Аввалига жанг ёзда ўтказилиши белгиланганди. Аммо британиялик боксчининг оёғидан олган жароҳати бунга йўл қўймади. Кейин 29 октябрь санасига жанг муддати ўзгартирилди. Лекин вақт ўтиши билан Тайсоннинг жамоаси яна жангни пайсалга сола бошлади.

Турли важлардан чарчаган Кличко Фьюри жамоасини судга беришини маълум қилди. Ортиқча қоғозбозликни истамаган шекилли, британиялик боксчининг жамоаси жанг аввалдан белгиланган муддатда ўтказилишини тасдиқлади. 29 октябрь куни “Манчестер Арена”да Кличко ва Фьюри ўртасидаги реванш жанги ўтказилади.