Исмоилов Гимчеондаги иштирокини ғалаба билан бошлади

Исмоилов соврин жамғармаси 50 минг доллардан иборат “Челленжер” туркумига кирувчи мусобақанинг яккалик баҳслари илк даврасида франциялик рақибини мағлубиятга учратди.

Энтоин Эсскофиерга қарши кортга чиққан ҳамюртимиз 6:4, 6:3 ҳисобида ғалаба қозонди. Исмоиловнинг иккинчи босқичдаги рақиби Андрю Уиттингтон бўлади. Австралиялик бу теннисчи ҳозиргина якунига етган учрашувда мезбонлар вакили Хьюн-Ву Намни 6:3, 6:0 ҳисобида доғда қолдирди.