15 авг 15:45
Янгиликлар

Теннис

Исмоилов Минскдаги турнирни ғалаба билан бошлади

Беларусь пойтахти Минск шаҳрида теннис бўйича “Фьючерс” туркумига кирувчи турнирнинг асосий тўр баҳслари давом этмоқда.

Соврин жамғармаси 15 000 долларни ташкил қилувчи мусобақанинг асосий тўрида тўғридан-тўғри қатнашиш ҳуқуқини қўлга киритган Темур Исмоилов илк учрашувида ғалабага эришди. Терма жамоамиз аъзоси биринчи даврада беларуслик Алексей Хомичга қарши кортга чиқди.

Икки соату 10 дақиқа давом этган баҳсда Исмоилов рақибини 0:6, 6:3, 7:5 ҳисобида зафар қучди. Энди Темур иккинчи босқичда яна бир мезбон теннисчи Михаил Хальякка қарши кортга чиқади.