30 июл 16:09
Янгиликлар

Теннис

Истомин Астана турнирининг ярим финалида тўхтатилди

Қозоғистоннинг Астана шаҳрида соврин жамғармаси 100 минг АҚШ долларини ташкил қилувчи “Челленжер” турнири ўзининг ҳал қилувчи палласига кирди.

Ҳозиргина турнирда иккинчи рақам сифатида таснифланган ҳамюртимиз Денис Истомин ярим финалда мағлубиятга учраб, мусобақадаги иштирокини якунлади. Россиялик Константин Кравчукка қарши баҳс уч сет давом этди.

Ёмғир ёққанлиги сабабли бир неча соатга сурилган учрашувда Истомин 3:6, 6:4, 3:6 ҳисобида ютқазиб қўйди. 31 ёшли Кравчук дунё рейтингида 103, 29 ёшли Истомин эса 101-ўринни эгаллаб турибди.