10 ноя 10:35
Янгиликлар
Теннис
Истомин Братислава турнири жуфтлигида ярим финалга чиқди
Хабар берганимиздек, мамлакатимизнинг биринчи ракеткаси Денис Истомин Словакия пойтахти Братислава шаҳрида ўтказилаётган турнирда иштирок этяпти.
Ҳамюртимиз соврин жамғармаси 85 минг еврони ташкил этувчи ушбу “Челленжер” туркумидаги турнирнинг ҳам яккалик, ҳам жуфтлик баҳсларида имкониятини синовдан ўтказяпти.
Жуфтлик баҳсларида россиялик Михаил Елгин билан тандем ҳосил қилган теннисчимиз турнирнинг ярим финалига йўл олди. Истомин ва Елгин чорак финалда словакиялик Норберт Гомбос ва чехиялик Ян Сатрал ҳамкорлигини 3:6, 6:3, тай-брекда 10:4 ҳисобида мағлуб этишди.
Маълумот учун, Истомин ва Елгин илк даврада турнирнинг биринчи рақамли жуфтлиги, голландиялик теннисчилар – Уэсли Кулхоф ҳамда Матве Мидделкупни 7:6(4), 6:2 ҳисобида енгишган эди.
Ҳавола :
Манба : olamsport.com
Фикрлар