28 окт 07:31
Янгиликлар
Теннис
Истомин Будапешт турнирида чорак финалга чиқди
Мамлакатимизнинг биринчи ракеткаси Денис Истомин Венгриянинг Будапешт шаҳрида давом этаётган турнирнинг чорак финалига йўл олди.
“Челленжер” туркумига кирувчи ушбу мусобақанинг мукофот жамғармаси 64 минг еврони ташкил қилади. Кеча ҳамюртимиз иккинчи давра учрашувида Норберт Гомбошга қарши кортга чиқади.
Словакиялик бу ракетка устаси дунё рейтингида 159-ўринни эгаллаб турибди. Истомин эса 144-поғонадан жой олган. Теннисчимиз рақибини 6:3, 6:4 ҳисобида мағлуб этди. Бугун у чорак финалда бельгиялик Стив Дарси билан ҳисоб-китоб қилади. Стив рейтингда 115-ўринни банд этган.
Маълумот учун, мазкур турнир ғолиби 9 200 евро мукофот пули ҳамда 100 рейтинг очкосига эга бўлади. Финалчи 5 400 евро ҳамда 60 рейтинг очкосини ўз ҳисобига қўшиб қўяди.
Ҳавола :
Манба : olamsport.com
Фикрлар