09 окт 10:45
Янгиликлар
![](/upload/storage/4758_220.jpg)
Истомин чемпионлик ҳимоясини Тошкентда туғилган франциялик теннисчига қарши бошлайди
Соврин жамғармаси 125 минг долларни ташкил қилувчи ушбу турнирда дунёнинг 20дан зиёд давлатидан кўзга кўринган теннисчилар иштирок этади. Чехиялик Иржи Весели турнирнинг биринчи ракеткаси сифатида эътироф этилган.
Шунингдек, франциялик Жереме Шарди, ливатлик Рикардас Беранкис, россиялик Евгений Донской каби теннисчиларнинг пойтахтимизга ташриф буюриши мусобақанинг қизиқарли кечишини таъминлаши аниқ.
Қуръа натижасига кўра, теннисчиларимизнинг асосий тўр илк даврасидаги рақиблари номи маълум бўлди. Унга кўра, мусобақанинг амалдаги ғолиби Денис Истомин биринчи даврада Глеб Сахаровга қарши кортга чиқади. Тошкент шаҳрида туғилган Сахаров айни пайтда Франция шарафини ҳимоя қиляти. Глеб дунё рейтингида 273-поғонадан жой олган.
Қолган теннисчиларимизга тўхталадиган бўлсак, истеъдодли Жўрабек Каримов Босния ва Герцеговиния вакили Мирза Басичга, Ҳумоюн Султонов ўтган йилги финалчи, словакиялик Лукаш Лацкога, Санжар Файзиев россиялик Евгений Донскойга, Шониғмат Шофайзиев эса Янник Мертенс билан муносабатларига ойдинлик киритиб олади.
Эътиборлиси, ўтган йилги турнирда мамлакатимизнинг биринчи рақамли теннисчиси Денис Истомин барча рақибларини мағлубиятга учратиб, бош мукофотни қўлга киритган эди. У ҳал қилувчи финал учрашувида словакиялик Лукаш Лацкони 6:3, 6:4 ҳисобида таслим этганди.
Фикрлар