29 фев 07:22
Янгиликлар

Теннис

Истомин Колумбус турнирида 1/2 финалга чиқди

АҚШнинг Колумбус шаҳрида теннис бўйича "Челленжер" турнири давом этмоқда.

Ушбу мусобақада Ўзбекистоннинг биринчи ракеткаси Денис Истомин (рейтингда 165-ўрин) ҳам муваффақиятли иштирок этяпти. Баҳсларга тўғридан-тўғри иккинчи босқичдан қўшилган ҳамюртимиз мусобақанинг ярим финалига йўл олди.

Истомин чорак финал учрашувида рейтингнинг 254-поғонасидан жой олиб турган австралиялик Александр Вукичга қарши кортга чиқди. 57 дақиқа давом этган баҳсда турнирнинг бешинчи ракеткаси бўлган Денис рақибини 6:3, 6:2 ҳисобида мағлуб этди. Бугун теннисчимиз финал чиптаси учун австриялик Юрий Родионов билан ҳисоб-китоб қилади.