04 янв 09:30
Янгиликлар
Теннис
Истомин Таиланддаги турнирнинг яккалигида зафар қучди
Таиланд пойтахти Бангкок шаҳрида теннис бўйича йилнинг дастлабки “Челленжер” туркумига кирувчи турнирининг асосий тўр баҳслари давом этмоқда.
Соврин жамғармаси 50 000 АҚШ долларини ташкил қилувчи ушбу мусобақада ҳамюртимиз Денис Истомин ҳам иштирок этяпти. Мамлакатимизнинг биринчи ракеткаси яккаликдаги иштирокини ғалаба билан бошлади.
Турнирнинг иккинчи ракеткаси бўлган ҳамюртимиз илк даврада мезбон теннисчи Консап Конгарга қарши кортга чиқди. Учрашувда Истомин рақибига ҳеч қандай имконият қолдирмади ва 6:0, 6:1 ҳисобида зафар қучди.
Афсуски, Денис жуфтликлар мусобақасининг илк даврасида россиялик Михаил Елгин билан бирга Грегор Баррере ва Жонатан Эйсерикка 6:7, 4:6 ҳисобида имкониятни бой бериб қўйди.
Ҳавола :
Манба : olamsport.com
Фикрлар