17 янв 16:51
Янгиликлар
Истомин vs Жокович. Олдинда олтинчи тўқнашув
Денис Истомин бугун хорватиялик Иван Додигни 4 сетда (6:1, 6:4, 3:6, 7:5) мағлуб этишга эришди. Энди ҳамюртимиз сербиялик Новак Жоковичга қарши кортга чиқади.
Новак Жокович "Australian Open" мусобақасида олти марта (2008, 2011, 2012, 2013, 2015 ва 2016 йиллар) чемпион бўлган. Яъни Истомин эртага мусобақанинг амалдаги чемпионига қарши ўйин ўтказади.
Сербиялик теннисчи "Катта дублға" туркумига кирувчи барча мусобақаларда ғолиб чиқа олган. Жокович уч марта "Уимблдон", икки бор "US Open" ва бир марта "Ролан Гаррос"да зафар қучган.
Фаолияти давомида Новак яккалик баҳсларида жами 67та мусобақада чемпионликни нишонлаган. 29 марта финалларда мағлуб бўлган.
Истомин ҳамда Жокович бугунга қадар 5 марта тўқнаш келишган. Уларнинг барчасида сербиялик теннисчи ғолиб чиққан. Денис Истомин бу рақибга қарши баҳсларда фақат битта сетда ғалабага эришганини кўриш мумкин.
Жокович - Истомин тўқнашувлари:
2010 йил - "Australian Open" (6:1, 6:1, 6:2)
2011 йил - "Майями Мастерс" (6:0, 6:1)
2013 йил - "Канада Мастерс" (2:6, 6:4, 6:4)
2014 йил - "Australian Open" (6:3, 6:3, 7:5)
2014 йил - "Dubai" (6:3, 6:3)
Маълумот учун, Истомин айни пайтда ATP рейтингида 117-поғонада бормоқда. Унинг эртанги рақиби эса 2-ўринда қайд этилган.
Фикрлар