20 янв 10:30
Янгиликлар
Теннис
Истоминга ютқазган Жокович Нью-Йоркдан 2та квартира сотиб олди
Австралия Очиқ чемпионатининг иккинчи даврасида ҳамюртимиз Денис Истоминга шов-шувли тарзда имкониятни бой берган дунёнинг иккинчи ракеткаси Новак Жокович АҚШдан 2та квартира харид қилди.
Сербиялик теннисчи сотиб олган уйлар Нью-Йоркнинг Сохо туманидаги қуйи Манхэттен кварталида жойлашган. Ҳар бир квартиранинг умумий майдони 200 м квадратни ташкил этади.
Иккала квартира ҳам 565 Broome SoHo уй-жой биносининг 30-қаватида жойлашган. Бу бино архитектор Ренцо Пьяно чизмаси асосида қуриляпти. Жокович айнан Пьянонинг мухлиси ҳисобланади.
Квартираларнинг баҳоси ошкор қилинмаяпти. Лекин бинонинг юқори қаватларидаги квартираларнинг баҳоси 5,4 миллион доллардан бошланади. Бино қурилиши 2018 йилнинг охирида якунланиши режалаштирилган.
Ҳавола :
Манба : olamsport.com
Фикрлар