30 сен 16:10
Янгиликлар

Бокс/ММА

Жаҳон чемпионати қаҳрамонларига "Президент совғаси" топширилди + ФОТОГАЛЕРЕЯ

Хабарингиз бор, 8-21 сентябрь кунлари Россиянинг Екатеринбург шаҳрида бокс бўйича жаҳон чемпионати бўлиб ўтди.

Ушбу жаҳон биринчилигида ўзбекистонлик чарм қўлқоп усталари ҳар қачонгидан ҳам муваффақиятли иштирок этиб, 3 та олтин, 1 та кумуш ва 1 та бронза медалларини қўлга киритишди. Бу орқали йигитларимиз жаҳон чемпионатини умумжамоа ҳисобида биринчи ўринда якунлашди.

Бугун, 30 сентябрь куни пойтахтимиздаги "Олимпия шон-шуҳрати" музейида боксчиларимизни тақдирлаш маросими бўлиб ўтди. Унда Ўзбекистон Республикаси Бош вазирининг биринчи ўринбосари, Ўзбекистон бокс федерацияси раиси Ачилбай Раматов, Ўзбекистон Миллий олимпия қўмитаси президенти Рустам Шоабдураҳмонов, Жисмоний тарбия ва спорт вазири Дилмурод Набиев, спортчи ва мураббийлар, оммавий ахборот воситалари ходимлари ва бошқалар иштирок этишди.

Тадбир давомида Ачилбай Жуманиязович сўзга чиқар экан, спортчиларимизни қўлга киритилган муваффақият билан муборакбод этди. Ушбу муваффақият замирида мамлакатимиз Президенти Шавкат Мирзиёев томонидан қаратилаётган эътибор турганини алоҳида қайд этиб ўтди. Шунингдек, эришилган ютуқ билан тўхтаб қолмаслик, мақсад қилинган ишни ҳозирча бир қисмигина бажарилганини, Токио Олимпиадасида бунданда улкан зафарлар кутилишини таъкидлади.

Бундан ташқари тадбир давомида терма жамоамиз мураббийлари Марат Қурбонов, Раҳматжон Рўзиохунов, боксчи Баҳодир Жалолов ва Дилшодбек Рўзметовлар ҳам сўзга чиқиб, ушбу эътибордан мамнун эканликларини айтишди. Келажакда бунданда йирик муваффақиятларга эришишларини қайд этишди.

Шундан сўнг жаҳон чемпионати қаҳрамонларига "Президент совғаси" - автомобиллар тақдим этилди. Жаҳон чемпионатида олтин медални қўлга киритган Шаҳобиддин Зоиров, Миразизбек Мирзаҳалилов ва Баҳодир Жалоловларга "Трекер" автомобили, кумуш ва бронза медали соҳиблари Дилшодбек Рўзметовга "Жентра", Бобоусмон Батуровларга "Нексия 3" автомобиллари калити топширилди.

Шунингдек, терма жамоамизнинг муваффақиятида ўз ҳиссасини қўшган мураббийларга ҳам пул мукофотлари тақдим этилди.

Тадбир якунида иштирокчилар эсдалик учун суратга тушишди.

Ўзбекистон бокс федерацияси матбуот хизмати

Ҳавола :

Манба : Ўзбекистон бокс федерацияси матбуот хизмати

Рейтинг: +3

15:39

Боксчиларимиз "Елорда кубоги"га қай таркибда йўл олгани маълум 0

00:30

Жаҳонгир Нажмиддиновнинг MPL 9 турниридаги жанги якунланди 0

08:05

Боксчиларимиз U22 Осиё чемпионатини 20 та медаль билан якунлади 0

Фикрлар

Энг яхшилар Охирги Биринчи

30 сен 17:22:43

Dilshot Solihov

Gap yo'q bu mexnatilaga o'zi bu xam kam. Ayniqsa Shoxobidin uchun xursandman. Darvoqeya Shoxobidinni chimpiyanat so'ngida bergan intirvyusi kulgilikdek ko'pchilik tomonidan ayniqsa rus sharxlovchilari tomonidan isteg'zo o'rnida gapirildi. Bularga qo'shilib bazi brovlargaxam gap topildi. Rus tilidagi intitvyuga Shoxobidini rus tilini unchalik bilmasligi chaynashga arzidimi axir usha chaynagan ruslarni uch yil oldin kimsan Misha Alayanini foliyatini poyintar soyintar qivorganxam shu Shoxobidin bo'ladi. Keyin bu joxon chimpiyanatida Igorovi noqal medali ipigaxam yetib kelolmadi qisqasi usha Igorovi bilan Shoxobidin sapalakxam o'ynashga arzimidoxam. Yana shunday musobaqani Shoxobidin jaroxat evaziga uchta qittani chimpiyonlarini mag'lub etkan xolda onsonlik bilan erishdi. Qisqasi xaqiqi mart Shoxobidini bunday kamchiligini chaynaguncha shu vazindagi RUS tilida mukamal gaplashadigan Vasili Igorovga yaxshilab bokis tushishni o'rgatishsa bo'lardi shu Ig'vogarlar zora Shoxobidin bilan ringda to'qnash kelish baxtiga muyasar bo'lsa. Nasib qilsa Shoxobidin shunday cho'qilarga chiqadiki sandakalar intirvyuxam olomi qolasalar. Yashavor Shoxobidin

фикрга жавоб бериш

30 сен 16:36:03

Bek

Э гап йўқ. Буюрсин боксчиларимиз ва мураббийларга.

фикрга жавоб бериш

30 сен 20:50:12

ТМТ

Рус тилини билмаслик айбми? Интервьюни ўзбекчада бервормапсизда Шахобиддин. Жаҳон чемпиони хоҳлаган тилида гапириши керак. Керак бўлса, ўзбекларни таржимонликка ёлласин. Бўлмаса интервью йўқ дейиш керак. Шунчалик гапирдингиз ҳам рахмат ука. Ўзлари ўзбекчада гапириш тугул исмингизни тўғри айтишни ўрганиб олсин.

фикрга жавоб бериш

30 сен 19:10:05

Master Klass

Xammaga assalomu alekum xamma chempionlani tabriklimiz sovgala mubore bosin Raxmatjon Rozioxunovga prezident sovgasiyam berilmaganmi uzr yana chunmagan bosam

фикрга жавоб бериш

30 сен 18:47:37

Adhamjon

meni bir narsa Raxmatjon Ro'zioxunovga xech qanday medal berilmagani xafa qildi. axir hamma korsiyu bu murabbiyni xizmati juda katta boldi

фикрга жавоб бериш

30 сен 18:45:50

Adhamjon

meni bir narsa Raxmatjon Ro'zioxunovga xech qanday medal berilmagani xafa qildi. axir hamma korsiyu bu murabbiyni xizmati juda katta boldi

фикрга жавоб бериш

30 сен 16:49:35

Shoxa

Shaxobda 2 ta tracker oq va qora super