26 окт 07:52
Янгиликлар
Бокс/ММА
Жаҳон чемпионатига тайёргарлик давом этмоқда
Бокс бўйича Ўзбекистон ёшлар терма жамоаси Россиянинг Санкт-Петербург шаҳри мезбонлик қиладиган жаҳон чемпионатига тайёргарликни давом эттирмоқда.
Ўқув-машғулот йиғини пойтахт вилоятининг Янгиобод базасида ўтказиляпти. Бош мураббий Бехзод Ҳидиров машғулотларга терма жамоанинг биринчи ва иккинчи рақамли боксчиларини таклиф қилган.
Жаҳон чемпионати 17-26 ноябрь кунлари оралиғида “Сибур Арена”да бўлиб ўтади. 17-18 ёшли боксчилар қатнашадиган дунё биринчилигида дунёнинг 65 давлатидан 400 нафардан зиёд боксчилар икки ҳафта мобайнида медаллар йўлида рингга кўтарилишади.
Ўзбекистон ёшлар терма жамоаси ҳам ушбу жаҳон чемпионатида тўлиқ таркибда иштирок этади.
Ҳавола :
Манба : olamsport.com
Фикрлар