17 окт 09:15
Янгиликлар
Шахмат
Жаҳон чемпионларимиз Грузиядаги жаҳон чемпионатида!
Эртага Грузиянинг Батуми шаҳрида шахмат бўйича ўсмирлар ўртасидаги жаҳон чемпионати бошланади.
Бу галги жаҳон чемпионати 8, 10 ҳамда 12 ёшли шахматчилар ўртасида бўлиб ўтади. Дунёнинг 100дан зиёд мамлакатидан истеъдодли шахматчилар иштирок этадиган мусобақада Ўзбекистон терма жамоаси аъзолари ҳам тўлиқ таркибда медаллар учун бахс олиб боришади.
Таркибдан ака-ука жаҳон чемпионлари - Исломбек ва Жавоҳир Синдаров, Осиё чемпиони Ҳумоюн Бекмуродов, қизлардан Мафтуна Бобомуродова, Юлия Хегай ва Афруза Ҳамдамовалар жой олишган.
Эслатиб ўтамиз, Афруза шу йили Эронда ўтказилган мактаб ўқувчилари ўртасидаги Осиё чемпионатида бир йўла 3та олтин медални қўлга киритган эди.
Маълумот учун, терма жамоамизни халқаро гроссмейстер Марат Жумаев бош мураббий сифатида жаҳон чемпионатига олиб борган.
Ҳавола :
Манба : olamsport.com
Ўхшаш янгиликлар
12:45
FIDE Grand Swiss 2025. Бу сафар Синдаров деярли 8 соатлик ўйин ўтказди. Афруза Топ-10`таликда 0
Фикрлар