ЖЧ-2018даги рақибимиз Қатар ўртоқлик ўйинида Таиландни мағлуб этди

Жаҳон чемпионати саралаш баҳсларига тайёргарлик кўраётган Қатар терма жамоаси расмий ўйинлардан олдинги сўнгги ўртоқлик учрашувида ўз майдонида Таиланд терма жамоасига қарши майдонга тушди. Дохадаги “Ал Саад” стадионида бўлиб ўтган учрашувда Қатар рақибини йирик – 3:0 ҳисобида мағлуб этди. Терма жамоа сардори Ҳассан ал Ҳайдос учрашувда дублга эришган бўлса,  яна бир голга Родриго Табата муаллифлик қилди.

Маълумот учун, Таиланд терма жамоаси ҳам Қатар каби ЖЧ-2018 саралаш баҳсларида иштирокини давом эттираётган жамоалардан бири ҳисобланади ва мазкур ўйин ҳар иккала терма жамоа учун ҳам 1 сентябрь куни старт оладиган расмий ўйинлардан олдинги сўнгги учрашув бўлди.

Эслатиб ўтамиз, Қатар терма жамоаси ЖЧ-2018 3-босқичини 1 сентябрь куни сафарда Эрон терма жамоасига қарши ўйин билан бошлайди. Саралашнинг 2-турида эса Дохада Ўзбекистон миллий терма жамоасини қабул қилади.

Ўртоқлик учрашуви. 25 август. Доха, Қатар.

“Жассим бин Ҳамад” стадиони, (“Ал Саад”).

ҚАТАР – ТАИЛАНД 3:0

Голлар: Ҳассан Ал Ҳайдос (8 пенальти, 77), Родриго Табата (62).