20 июн 10:33
Янгиликлар
Бокс/ММА
Жефф Монсон нима сабабдан Емельяненко билан жангдан воз кечганини айтди
Россия паспортига эга америкалик ММА афсонаси Жефф Монсон Александр Емельяненко билан жанг қилмаслигини айтди.
Бир неча ҳафта олдин Монсон Емельяненкога қарши хайрлашув жангини ўтказмоқчи эканлигини айтган эди. Бироқ энди Жефф Александрнинг ҳозирги ҳолатини ҳисобга олиб, бу фикрдан воз кечди.
"Менинг сўнгги жангим август ойининг охирида Уфада бўлади. Лекин Емельяненко билан жанг аниқ ўтказилмайди. Ҳозир унга керакли тиббий ёрдам кўрсатилмоқда. Кўпчилик ундан узоқ вақт давомида пул ишлаб олиш учун фойдаланган. Улар унга инсондек ғамхўрлик қилмаган", - деди Монсон.
Эслатиб ўтамиз, промоутер Владимир Хрюнов август ойида Емельяненко учун бокс қоидалари асосида жанг ташкил этишни режа қилганини айтган эди.
Ҳавола :
Манба : fightnews_info
Фикрлар