20 янв 08:25
Янгиликлар

Теннис

Жокович илк бор “Катта Дубулға” турнирларида ТОП-100га кирмаган теннисчига ютқазди

Дунёнинг иккинчи ракеткаси Новак Жокович Australian Open турнирининг иккинчи даврасида сайёрамизнинг 117-ракеткаси, ҳамюртимиз Денис Истоминга 6:7, 7:5, 6:2, 6:7, 4:6 ҳисобида имкониятни бой берган эди.

Эътиборлиси, шу кунгача сербиялик теннис юлдузи “Катта Дубулға” туркумига кирувчи мусобақаларда ТОП-100таликдан жой олмаган ракетка усталарига ютқазмаган эди.

Шунингдек, Новак Жокович 2008 йилдан бери биринчи марта “Катта Дубулға” туркумидаги турнирларнинг учинчи даврасига чиқа олмади. Новак Australian Open турнирининг амалдаги ғолиби ҳисобланарди.