20 фев 08:55
Янгиликлар
Теннис
Жўрабек Анталиядаги турнири саралашида иккинчи ғалабасига эришди
Истеъдодли теннисчимиз Жўрабек Каримов Туркиянинг Анталия шаҳрида ўтказилаётган “Фьючерс” турнирининг саралаш баҳсларида муваффақиятли одимлаяпти.
Мусобақанинг мукофот жамғармаси 15 000 АҚШ долларини ташкил қилади. Терма жамоамиз аъзоси саралашда учинчи рақам остида таснифланган. Кеча Жўрабек иккинчи давра учрашувида россиялик Иван Калининни 6:2, 6:2 ҳисобида мағлуб этди.
Бугун ҳамюртимиз асосий тўрга йўлланма тақдим этувчи учрашувда канадалик Павел Крайникка қарши кортга чиқади. Бу теннисчи саралашда 16-рақам остида ҳаракат қиляпти.
Маълумот учун, Жўрабек Каримов саралаш баҳсларининг илк даврасида швейцариялик Стеверин Стейнерни 6:0, 6:0 ҳисобида таслим этган эди.
Ҳавола :
Манба : olamsport.com
Фикрлар