Жўрабек Каримов Сербияда машғулот ўтказяпти

Терма жамоамиз аъзоси учун Сербиядаги йиғин дастлабкиси эмас. Жўрабек ўтган йилнинг декабрь ойида тўрт ҳафта мобайнида Белградда машҳур сербиялик теннисчи Янко Типсаревич билан бирга машғулотда иштирок этганди.

“Декабрь ойида тўрт ҳафта давомида машғулот ўтказгандим. Менга бундай имкониятни яратиб берган Янко Типсаревич ва унинг жамоасига, теннис академиясига миннатдорчилик билдираман.

Ўйлайманки, Сербияда ўтказаётган машаққатли меҳнат янги турнирларда менга ёрдам беради”, - деди Жўрабек.