01 июл 07:45
Янгиликлар
Теннис
Жўрабек ва Ҳумоюн Лондондаги турнирда финалга чиқди
Буюк Британиянинг Лондон шаҳрида ўтказилаётган ўсмирлар ўртасидаги нуфузли турнир ўзининг ҳал қилувчи палласига кирди.
Аввал хабар берганимиздек, ушбу мусобақада мамлакатимизнинг икки истеъдодли теннисчилари – Жўрабек Каримов ва Ҳумоюн Султонов ҳам иштирок этаётганди. Яккалик баҳсларини бироз эрта тарк этган ҳамюртларимиз жуфтликлар мусобақасида финал йўлланмасини қўлга киритишди.
Жўрабек ва Ҳумоюн кеча ўтказилган ярим финал учрашувида япониялик теннисчилар жуфтлиги – Наоки Тажима ва Юносуке Танакани икки сетда ҳам бир хил 6:2 ҳисобида мағлуб этшиди. Бугун ўтказиладиган ҳал қилувчи финал учрашувида теннисчиларимиз америкаликлар – Улисес Бланч ва Васил Кирков тандемига қарши кортга чиқишади.
Ҳавола :
Манба : olamsport.com
Фикрлар