Жўрабек ва Ҳумоюн Лондондаги турнирда яхши старт олишди

Ушбу мусобақада икки истеъдодли вакилимиз – Жўрабек Каримов ва Ҳумоюн Султонов ҳам ўз имкониятини синовдан ўтказмоқда. Қувонарлиси, ҳамюртларимизнинг ҳар иккиси ҳам илк даврада зафар қучишди. Турнирда тўққизинчи рақам остида таснифланган Жўрабек Каримов россиялик Павел Котовни 7:5, 6:2 ҳисобида мағлуб этди.

Ҳумоюн эса австралиялик Алексей Попириндан 6:2, 6:3 ҳисобида устун келди. Энди теннисчиларимиз иккинчи даврада кортга чиқишади. Жўрабек франциялик Эван Фурнесс, Ҳумоюн эса сербиялик Миомир Кезманович билан учинчи давра чиптаси кимга тегишли эканлигига ойдинлик киритиб олади.

Теннисчиларимиз мусобақанинг жуфтликлар беллашувида ҳам кортга чиқишади. Ушбу турнир Жўрабек Каримов ва Ҳумоюн Султонов учун айнан Лондон шаҳрида ўтказиладиган “Катта Дубулға” туркумига кирувчи “Уимблдон” мусобақасига тайёргарлик вазифасини ўтаб беради.