Камбосос: «Мен Австралия тарихидаги энг буюк жангчиман»

Енгил вазн тоифасида WBА Super, WBО, IBF ва WBC Franchise йўналишлари бўйича мутлақ чемпион Жорж Камбосос (20-0, 10 КО) журналистнинг австралиялик афсонавий Костя Тсзю билан бир қаторда бўлганига ишонасизми, деган саволига жавоб берди.

"Костя Тсзюга ҳурматсизлик йўқ, у бу спортнинг афсонаси, лекин у Австралияда туғилмаган. Мен Австралияда туғилганман, ҳаваскорлик фаолиятини босиб ўтганман, маҳаллий клубларнинг шоуларида қатнашганман. Кейин океанни кесиб ўтдим. Иккинчи даражали промоутер уйиштирган оқшомларининг андеркардларида жанг қилдим. Мен илк жангимни Микки Беэмга қарши ўтказдим, нима демоқчи эканлигимини тушуняпсизми?", - деди Камбосос FightHype.com сайтига берган интервьюсида.

"Бошқаларга ҳурмат сақлаган ҳолда айтаманки, мен Австралия тарихидаги энг буюк жангчиман. Баъзилар бунга қўшилади, баъзилари эса йўқ. Мен ўз позициямни биламан. Ҳеч ким мен қилган ишни қилмаган, яъни ҳеч ким уйга камарларни олиб келмаган. Қилишим керак бўлган ишлар кўп. Атиги 28 ёшдаман. Ўз организмимга қандай қарайман - мен ичмайман, зиёфатларга бормайман. 40 ёшгача ёки ундан ҳам узоқроқ жанг қилишим мумкин”, - деди Жорж