Канело-Смит. Чипталар сотувидан 5 млн. доллар фойда кўрилди

Ушбу чемпионлик жанги 17 сентябрь куни АҚШнинг Техас штати Арлингтон шаҳридаги AT&T Stadium аренасида бўлиб ўтган эди. Мазкур стадион ўз бағрига 51 240 томошабини сиғдира олади.

Жанг учун чиқарилган 46 115та чипта сотилган бўлса, 5 125 дона чипта бепул тарқатилган эди. Чипталар сотувидан кўрилган фойда 5 037 900 долларни ташкил қилди. HBO телеканали ҳамда ҳомийлардан келган фойда улуши 9 миллион доллардан иборат.

Маълумот учун, Альвареснинг ушбу жанг учун кафолатланган гонорари 3 млн. долларни ташкил қилади. Қўшимча бонусларни хисобласа, Сауль ўз ҳамёнини яна 2-3 миллион долларга бойитиб олиши кутилмоқда. Ушбу жангда Альварес рақибини нокаутга учратганди.