20 сен 13:30
Янгиликлар
Теннис
Каримов, Файзиев, Шониғмат Чимкентда иккинчи даврага чиқишди
Қозоғистоннинг Чимкент шаҳрида теннис бўйича соврин жамғармаси 10 минг АҚШ долларидан иборат бўлган турнирнинг асосий тўр баҳслари давом этмоқда.
Унда бир йўла тўққиз нафар теннисчимиз иштирок этяпти. Турнирнинг биринчи ракеткаси сифатида қайд этилган ҳамюртимиз Санжар Файзиев бугун илк даврада россиялик Станислав Коршуновни 5:7, 6:3, 6:2 ҳисобида мағлуб этди.
Истеъдодли теннисчимиз Жўрабек Каримов эса турнирда бешинчи рақам остида ҳаракат қилмоқда. Бугун у Кристиан Лозандан 5:7, 6:0, 6:0 ҳисобида устун келди. Яна бир ҳамюртимиз Шониғматжон Шофайзиев қозоғистонлик Роман Хассановни 6:4, 6:1, Павел Цой эса қозоғистонлик Диас Мейербекни 6:1, 6:0 ҳисобида мағлубиятга учратди.
Эслатиб ўтамиз, кеча икки теннисчимиз Ҳумоюн Султонов ва Сергей Фомин ўзаро учрашувда тўқнаш келишган ва унда ўсмирлар ўртасидаги US Open-2016 турнирининг чорак финалчиси бўлган Ҳумоюн 6:0, 6:4 ҳисобида ғалаба қозонганди.
Ҳавола :
Манба : olamsport.com
Фикрлар