21 окт 09:35
Янгиликлар
Теннис
Кербер 2016 йилни дунёнинг биринчи ракеткаси сифатида якунлайди
“Катта Дубулға” туркумига кирувчи Australian Open ва US Open турнирларининг амалдаги ғолибаси Анжелик Кербер қолган мусобақалардаги иштирокидан қатъий назар 2016 йилни дунёнинг биринчи ракеткаси сифатида якунлайди.
Германиялик 28 ёшли теннис маликаси ўтган йилни дунёнинг 12-ракеткаси сифатида якунлаган эди. Бу йилги мавсумда у 59та учрашувда зафар қучди, 17 бор мағлубиятга учради.
Маълумот учун, америкалик Серена Уильямс сўнгги уч йилдан бери (кетма-кет 186 ҳафта) дунё теннисчилари рейтингини узлуксиз бошқариб келаётганди. Ўтган ойда Серена пешқадамликни Керберга топшириб қўйди.
Ҳавола :
Фикрлар