22 июл 11:15
Янгиликлар
Бокс/ММА
Кличко жамоаси Фьюри билан жангни Германияга кўчирмоқчи
Яқин кунларда профессионал бокснинг супероғир вазн тоифасида собиқ жаҳон чемпиони украиналик Владимир Кличконинг юристлари Тайсон Фьюрининг жамоаси билан учрашиб, реванш жангини Германияга кўчириш масаласида музокара ўтказишади.
Британиянинг Daily Mail нашри тарқатган хабарга кўра, Кличконинг жамоаси Манчестер шаҳрида ўтказиладиган жангни Германияга кўчиришга уриниб кўради. Бунинг учун 29 октябрь санасига Гельзенкирхен ва Дюссельдорфдаги стадионлар “брон” ҳам қилинган.
Эслатиб ўтамиз, Владимир Кличко ва учта йўналиш бўйича амалдаги жаҳон чемпиони Тайсон Фьюри ўртасидаги реванш жанги 9 июль куни Манчестер шаҳрида ўтказилиши керак эди. Лекин Фьюрининг жароҳати сабаб жанг 29 октябрга кўчирилганди.
Ҳавола :
Фикрлар