15 окт 14:24
Янгиликлар
Теннис
Константин Кравчук: “Денисдан кечирим сўрайман”
Пойтахтимиздаги Республика олимпия захиралари теннис мактаби кортларида ўтган “Тошкент Челленжер” мусобақаси россиялик Константин Кравчукнинг ғалабаси билан якунланди.
Тақдирлаш маросимида сўзга чиққан Кравчук ўз фикрини билдирар экан, финалдаги ғалаба учун Денис Истоминдан кечирим сўради.
“Аввало, бугунги ғалабам учун Денисдан кечирим сўрайман. Кеча у 3та учрашувда ғалаба қозониб, ҳақиқий қаҳрамонлик кўрсатганди. Бир кунда 3та мураккаб ўйин ўтказиб, унда зафар қучиш ҳаммага ҳам эмас.
Истоминга соғлиқ тилайман. Мавсум сўнггигача ўтказиладиган турнирларда омад тилайман. Барчага ўз миннатдорчилигимни билдираман. Ҳар йили катта хурсандчилик билан Тошкентга келаман.
Оилам ва мураббийимга ҳам катта раҳмат айтмоқчиман. Истагим яқин 10 йилликда Ўзбекистондан Денисга ўхшаган кучли теннисчилар етишиб чиқсин”, - деди Кравчук.
Ҳавола :
Манба : olamsport.com
Фикрлар