Ковалёв жамоаси ҳакамликни қайта кўриб чиқишни талаб қилмоқда

Ковалёвнинг промоутери Кэти Дува жангдан сўнг ўтказилган матбуот анжуманида россиялик боксчининг жамоаси душанба куни, яъни бугун жанг юзасидан “протест”, яъни расмий эътироз билдирилишини айтди.

“Биз жанг давомида Уорд томонидан белдан пастга берилган камида учта, йўқ тўртта зарбани кўрдик. Душанба куни жангнинг натижаси борасида расмий шикоят хати билан мурожаат қиламиз. Комиссия жангни қайтадан кўриб чиқишини талаб қиламиз. Бундай ҳолатлар бокс учун иснод”, – Дува.