03 янв 10:20
Янгиликлар
Бокс/ММА
Кубалик Рио Олимпиадаси совриндори четлатилди
Куба бокс федерацияси Рио-2016 Олимпиадасининг бронза медали совриндори Лазаро Альваресни дисквалификация қилди.
Бунга боксчининг сочини бўягани сабаб бўлди. Куба бокс федерацияси бундай ҳолатларга қаттиққўллик билан қарайди. Лазаро Альваресга боксдан 6 ойга четлатиш жазоси қўлланилди.
Шунингдек, Альварес мамлакат
терма жамоаси таркибидан ҳам четлатилди. Бу ҳали ҳаммаси эмас. У Кубанинг 2016
йилги энг яхши 10 нафар спортчиси сафидан ҳам чиқарилди.
Маълумот учун, Лазаро Альварес Рио Олимпиадасида -60 кг вазн тоифасида иштирок этиб, якунда бронза медал соҳибига айланганди. Лазаро 2012 йили Лондон Олимпиадасида ҳам бронза медали билан тақдирланган эди. Альварес 3 карра (2011, 2013, 2015) жаҳон чемпиони ҳисобланади.
Ҳавола :
Фикрлар