UZ

Сўнгги янгиликлар

20:12Моҳигул Ҳамдамова делегациямизга навбатдаги кумуш медални қўшиб қўйди 0 19:51"Реал" "Ливерпуль"нинг 70 млн евролик футболчисини сотиб олиши мумкин 0 19:30Усик Фьюрига: "Қўрқма!" 0 19:09Парижда ўтган Bellator турнирининг марказий жанги ғолибини ҳакамлар аниқлаб беришди 0 18:48Камару Усман Хамзат Чимаев ҳақидаги танқидларга муносабат билдирди 0 18:27"Челси" 17 ёшли футболчи учун 65 млн. евро бермоқчи 0 18:06Исроил Мадримов ва Шаҳрам Ғиёсов машғулотларнинг илк босқичини якунлади, кейинги манзил АҚШ + ФОТО 0 17:45Уч нафар ҳамюртимиз Octagon 58 турнирида жанг қилди 0 17:24Ҳавасбек Асадуллаев Қозоғистон таркибига ўтган терма жамоамиз собиқ боксчиси билан жанг қилди 0 17:03АПЛда "Мавсум футболчиси" соврини ғолиби аниқланди 0 16:42Рэпер Дрейк Тайсон Фьюрининг ғалабасига катта пул тикди 0 16:21Светлана Осипова ва Диёрбек Тўхлибоев ҳам Осиё чемпионати шоҳсупасига кўтарилди 0 16:00Жаҳон чемпионатига қуръа ташланди. Дзюдочиларимиз учун қуръа қандай келди? 0 15:39Модрич "Реал"даги келажаги борасида бир қарорга келди 0 15:24Баҳодир Жалолов Россиядаги турнир финалида Лазизбек Мулложонов билан жанг қилди! 0

29 июл 12:20
Янгиликлар

Қишки спорт турлари, Қизиқарли!

Кунига 470 долларлик люкс - бассейн, пинг-понг, ўйин приставкалари. NHL юлдузлари марказлашган чемпионатни қандай ўтказишади?

АҚШда хоккей бўйича миллий чемпионат - NHL рестарти бошланишига бир неча кунлар қолмоқда.

Мусобақада иштирок этувчи жамоалар аъзолари кўч-кўронини йиғиб, кичик шаҳарчага етиб келишган. Кимдир бу ерда кузгача қолади, яна кимлардир икки ҳафтадан сўнг уйига равона бўлади. NHLдагиларнинг айтишича, Торонто ва Эдмонтондаги ушбу жой қизиқарли ва хавфсиз. Ха тўғри, коронавирус билан касалланган илк спортчи аниқланмагунича барчаси жойида бўлади. 

Баҳслар 1 август куни старт олади.


Жамоалар қаерда яшашади?

NHL иккита шаҳардан тўртта отель танлади. Шарқий клублар Торонтодаги Hotel X ва Royal York меҳмонхоналарида, ғарбий лигадаги жамоалар эса Эдмонтондаги JW Marriot ва Sutton Place'га жойлашишади. 


Бу ерда хоккей юлдузлари Кучеров, Овечкин, Проворов ва Малкин каби хоккейчилар ўзаро йиғилиб, қизиқарли суҳбат уюштира олмайдилар. Чунки, биринчидан "Вашингтон" ва "Рейнжерс" клублари бошқа-бошқа меҳмонхоналарда, иккинчидан NHL уларни ўйиндан ташқари вақтларда мулоқот қилмасликларини назорат қилиб бориш учун кўплаб кузатувчиларни ёллаган. 

Меҳмонхоналар хоккей аренаси яқинида жойлашган. 



Отеллар барча стандартларга жавоб беради. У ерда кинотеатр, скай-бар, теннис корти, томдаги бассейн ва бошқа қулайликлар бор. Овечкин яшаётган люкс номернинг бир суткаси учун 470 доллардан пул тўланади. 




Плей-офф учрашувлари вақтида мухлислар меҳмонхоналарга кира олишмайди. Иккинчи раунд якунига етгач барча Эдмонтондаги отелга кўчиб ўтади. Бу жараён тахминан 8 сентябрлар арафасида рўй беради. 


"Royal York" отели 1929 йида қурилган ва ўша вақтда Торонтодаги энг баланд бино бўлган. Юқори қаватлардан Торонто манзарасини томоша қилиш мумкин. 


Эдмонтон яшаш учун ажойиб жой бўлмасада, отеллар билан мақтана олади. У ерда ҳам барча стандартларга жавоб берадиган отеллар мавжуд. 


Отелларда яшаш қоидалари

Бу ерда айланиш мумкин. Лекин вақти билан оилани соғинасиз. Уларнинг келиши мумкин эмас, бошқа жамоа аъзолари билан кўришиш ҳам мумкин эмас. 

Ҳар бир клуб 52 кишилик делегация билан келган - 31 нафар хоккейчи ва клуб ходимлари. Жамоалар алоҳида қаватларда яшашади. Барча ўз қаватини ўзи истаганича безатиб олиши мумкин. Бу хоккейчилар ўзларини қулай ҳис қилишлари учун албатта. 

Бу ерга келгунча, делегациянинг ҳар бир аъзоси 48 соатлик оралиқ билан уч маротаба коронавирус учун тестдан ўтказилди. Бу борада NHL протокол ишлаб чиққан ва мониторинг қилиб боради. Шунингдек, ҳар бир персонал кунига тестдан ўтказилади. Агар хоккейчи тестдан ўтишга келмаса, уни бу ердан четлатишади. 

Ўйинчилар отелдаги бошқа хоналарга чиқа олмайдилар. Хоналар кунига уч мартадан тозаланади. 


Хоккейчилар учун бар, бассейн ва машғулот заллари ишлаб туради. Ижтимоий масофага риоя қилган ҳолда у ерга чиқиш мумкин. Овқатланиш жойларида ўйинчилар ва ходимлар ўртасига тўсиқ ўрнатилади. 

Конференция финалчилари учун ўзига хос мотивация бор - улар белгиланган тестларни топширишганидан сўнг отелнинг ўзида оила аъзолари билан учрашишлари мумкин бўлади. Ташкилотчилар бунга рухсат беришади. Отель ичида хоккейчилар ниқоб тақишлари шарт. Улар фақатгина овқатланиш ва машғулотлар вақтида ечилиши мумкин. 


Машғулотлар ва кўнгилни ёзиш

"Торонто" ва "Эдмонтон" бошқа жамоаларга қараганда хеч қандай имтиёзга эга бўлмайди. Уларда залда ёки муз устида қўшимча машғулотлар ўтказиш ҳуқуқи йўқ. Лига барча жамоаларга тенг шароит яратишга максимал равишда эътибор берган. 

Лигада барча иштирокчиларнинг мусиқалари, мухлислардан йўлланган видеолар йиғиб қўйилган. 

Ўйинчилар ўзлари билан гитарани ва ўйин приставкаларини олиб келишлари мумкин. 

Ҳар бир жамоанинг ўз зонаси бор - қулай диванлар, телевизорлар ва пинг-понг учун столлар. Отель ҳудудида теннис учун корт, баскетбол майдони ҳам бор. Ушбу плей-офф учрашувларини болалар ўртасидаги турнир сафарига қиёслаш мумкин: сени овқатлантиришади, хонангни ва кийимларингни тозалашади, хеч ким сенга "Play Station" ўйнашни таъқиқламайди. Энг асосийси эса сен бор эътиборингни хоккейга қаратиб, ғалаба қозонишинг керак. 


Sports.ru сайти асосида Азиз Тўхтамуродов тайёрлади

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг