Лутфуллаев ва Собиров Будапешт Гран-Присида ярим финалга чиқишди

Дунёнинг элликдан зиёд давлати вакиллари иштирокида ўтаётган мазкур мусобақада Ватанимиз спорт шарафини 7 нафар курашчимиз ҳимоя қиляпти. Бугун татамига чиқаётган дзюдочиларимиздан икки нафари ярим финалга йўл олишди ва кечки дастурда медаллар учун татамига чиқишади.

-60 кг вазн тоифасидаги полвонимиз Шарофиддин Лутфуллаев кучлилар жам бўлган “А” гуруҳида венгриялик Ференш Шцизовски, франциялик Винсент Манкуэстни мағлубиятга учратиб, ярим финалга чиқди.

Олимпия ўйинларининг икки карра бронза медал соҳиби Ришод Собиров эса “А” гуруҳида молдовалик Денис Виеру ҳамда венгриялик Бенче Замборидан устун келди.

-73 кг вазндаги вакилимиз Ғиёсжон Бобоев эса илк учрашувидаёқ руминиялик рақибига имкониятни бой бериб қўйди. Хотин-қиз дзюдочиларнинг -52 кг вазн тоифасида иштирок этган Диёра Келдиёрова биринчи даврада америкалик Анжелика Дельгадога ютқазиб қўйди.