Лёвенда тезкор шахмат давом этмоқда, ҳозирча Аронян пешқадам

Нуфузли турнирда Магнус Карлсен (Норвегия), Вишванатан Ананд (Ҳиндистон), Левон Аронян (Арманистон), Фабиано Каруана (АҚШ), Аниш Гири (Голландия), Владимир Крамник (Россия), Хикару Накамура (АҚШ), Максим Вашье-Лаграв (Франция), Веселин Топалов (Болгария) ва Уэсли Со (АҚШ) бош мукофот йўлида дона суришяпти.

Блиц йўналишидаги Grand Chess Tour турнирида ҳозирча Аронян 5,5 очко  билан етакчилик қилмоқда. 2-5-ўринларни амалдаги жаҳон чемпиони Магнус Карлсен, шунингдек, Крамник, Накамура ва Со 5 очко билан банд этишган.

Блиц йўналиши бўйича жами 18 партия ўйналади. Ҳар бир учрашувга 5 дақиқа вақт ажратилган бўлиб, ҳар бир юришга 2 сониядан қўшиб берилади. Кеча якунига етган рапид йўналиши бўйича турнирда Карлсен 12 очко билан  бош совринга эга бўлганди.