01 янв 06:00
Янгиликлар

Бокс/ММА

Маҳмуд Мурадов октагонга чиқадиган кечанинг асосий жанги маълум

Маҳмуд Мурадов жанг қиладиган кечанинг асосий тўқнашуви маълум бўлди.

MMA Junkie нашрининг хабар беришича, ушбу оқшомнинг асосий жанги Эдсон Барбоза (22-9) ва Гига Чикадзе (13-2) ўртасида бўлади. Бу маълумот икки ишончли инсайдер томонидан тасдиқланган. Аммо, UFC томонидан ҳали расман эълон қилинмаган.

Эдсон Барбоза яқиндагина, UFC 262 турнири доирасида Шейн Бургосни жуда ажойиб тарзда нокаутга учратганди. Гига Чикадзе эса UFC фахрийси Каб Свонсонни мағлуб этган эди.

Эслатиб ўтамиз, Маҳмуд Мурадов 28 август куни Жеральд Миршертга қарши жанг қилади. Миршерт ММАдаги фаолияти давомида 46 та жанг ўтказган ва уларнинг 32 тасида ғалаба қозонган. 14 та жангда мағлуб бўлган. У фаолияти давомида Кевин Холланд, Хамзат Чимаев каби рақибларга қарши жанг қилиб, имкониятни бой берган.