17 апр 14:01
Янгиликлар

Бокс/ММА, Қизиқарли!

Махачев олтин қўлқопда октагонга чиқадиган биринчи UFC жангчиси бўлади

Енгил вазн (70 кг.гача) тоифасида UFC чемпиони Ислам Махачев тилла ранг қўлқопларда октагонга чиққан промоушеннинг биринчи жангчиси сифатида тарихга киради.

Хабарингиз боор, россиялик аралаш яккакураш устаси UFC 302 турнирининг марказий жангида америкалик Дастин Порьега қарши октагонга чиқади. Янги моделдаги қўлқоп ҳозиргиларидан хавфсизлиги, қулайлиги билан ажралиб туради.

Ислам билан бошланадиган чемпионлик жангларида камар соҳиблари бундан буён айнан олтин ранг қўлқопларда жанг қилишади. Қолган жангларда қора рангдаги классик қўлқоплардан фойдаланилади.

Dana White Contender Series турнирларидаги жангчиларга кўк қўлқоплар тақдим этилади. The Ultimate Fighter шоуси иштирокчилари қора, Road to UFC жангчилари эса пушти ранг қўлқопларда жанг ўтказади.