Махачевга яна P4P рейтинги пешқадамлигини беришмади, Чимаев рейтингдан чиқарилди

БААдаги оқшомнинг марказий жангида ғалаба қозонган Ислам Махачев вазн тоифасидан қатъий назар ташкилотнинг P4P рейтингида чемпион Александр Волкановскини ортда қолдирди. Лекин барибир рейтинг пешқадами Жон Жонсни "тахт"дан тушира олмади. Жонс жанг ўтказмаса-да, P4P рейтинги пешқадами бўлиб қолди. 

Шанба оқшомида ўрта вазн тоифасида Камару Усманга қарши жанг ўтказиб ғалаба қозонган Хамзат Чимаев ярим ўрта вазн тоифаси рейтингидан чиқарилди. У ўрта вазн рейтингида бир поғонага юқорилаб, 9-ўринга жойлашди. Мағлубиятга учраган нигериялик собиқ чемпион эса ярим ўрта вазн рейтингида карвонбошиликни давом эттирмоқда. Аммо P4P рейтингида 6 поғонага пастлаб, 13-ўринни эгаллаб турибди.