Майк Тайсон Жонсга қарши кечаги жанг олдидан марихуана чекканини тан олди

Ҳар бири икки дақиқадан саккиз раунд тўлиқ давом этган жангда дуранг натижа қайд этилганди. Жангдан сўнг Темир Майк бир ҳақиқатни тан олди. У жанг олдидан марихуана чекканини маълум қилди.

"Албатта, мен жангдан олдин марихуана чеккандим. Ўзимни бундан тўхтата олмайман. Ҳар қандай тадбирлар олдидан ҳам шундай бўлади. Кечирасизлар, мен кашандаман ва бу ишни ҳар куни қиламан. Мени боримча қабул қилинг. Бу ҳолат мен ҳақимда салбий фикрларни юзага чиқармаслигини истардим. Бу бўйича тушунтириш ҳам бера олмайман. Хуллас, бу тугамайдиган иш", — дея Тайсоннинг сўзларини келтирмоқда New York Post.