Мелиқўзиевнинг медал учун баҳсдаги рақиби Кришан бўлади

Хабар берганимиздек, вазни 75 кг бўлган боксчилар баҳсида ҳамюртимиз Бектемир Мелиқўзиев ўзининг илк жангини австралиялик Даниэл Льюисга қарши ўтказиб, 3:0 ҳисобида ғалаба қозонганди. Унинг чорак финалдаги рақиби ҳам аниқланди.

Нанкин ўсмирлар Олимпиадаси чемпиони бўлган Бектемир ярим финал йўлланмаси учун ҳиндистонлик Викаш Кришан Ядавга қарши рингга кўтарилади. Ҳинд боксчиси нимчорак финалда туркиялик Ўндер Сипалдан устун келди. Агар Мелиқўзиев бу рақибини ҳам мағлуб этса, у ҳам камида бронза медалини нақд қилиб қўяди.