21 ноя 10:06
Янгиликлар

Бокс/ММА

Мэнни Пакьяо: Бронердан кейин Мейвезер билан эркакчасига гаплашиб оламан

Профессионал бокснинг ярим ўрта вазн тоифасида WBA Regular чемпиони Мэнни Пакьяо америкалик Флойд Мейвезерга қарши реванш жанги ўтказилишига ишора қилди.

Филиппинлик боксчи 19 январь куни тўртта вазн тоифасида собиқ жаҳон чемпиони Эдриэн Бронерга қарши рингга кўтарилади. Кеча ушбу бокс кечасига бағишланган матбуот анжумани ўтказилди ва унда сўзга чиққан Пакьяо айнан Бронер билан жангдан сўнг Мейвезер билан реванш жанги юзасидан эркакчасига гаплашиб олишини маълум қилди.

“Биз Флойд билан Японияда кўришиб қолганимизда реванш жанги юзасидан гаплашдик. У бу жангнинг ўтказилишига қарши эмаслигини билдирди. Ҳозир биринчи галда мен Бронер билан ҳисоб-китоб қилиб олишим керак. Шундан кейин Флойд билан музокарани бошлайман”, - деди 39 ёшли Пакьяо.