08 янв 11:45
Янгиликлар
Бокс/ММА
Мигель Котто: “Агар Канело жанг қилишни истаса, мени қаердан топишни билади”
25 февраль куни АҚШнинг Техас штати Фриско шаҳрида профессионал бокс кечаси ташкил этилади.
Оқшомнинг марказий жангида 4та вазн тоифасида собиқ жаҳон чемпиони Мигель Котто (40-5, 33КО) америкалик 32 ёшли Жеймс Кирклендга (32-2, 28КО) қарши рингга кўтарилади.
Пуэрторикалик 36 ёшли Коттонинг айтишича, агар у Жеймсни мағлубиятга учрат олса, унинг кейинги рақиби катта эҳтимол билан мексикалик Сауль “Канело” Альварес бўлади.
“Агар Канело жанг қилишни истаса, мени қаердан топишни жуда яхши билади. 2015 йил ўтказган жангимизда мен ғалаба қозонган эдим. Ҳакамлар эса мендан ўша ғалабани тортиб олишганди”, — деди Котто.
Маълумот учун, 2015 йилнинг ноябрь ойида Сауль “Канело” Альварес очколар ҳисобига кўра Коттони мағлубиятга учратганди. Мигель айнан ўша аламли мағлубият учун реванш олишни истаяпти.
Ҳавола :
Манба : allboxing.ru
Фикрлар