Нафиса Мўминовада дуранг, синглисида яна мағлубият

7th HDBank Cup International Open Chess 2017 турнирининг мукофот жамғармаси 13 000 АҚШ долларини ташкил қилади. Мусобақада 21 мамлакатдан 103 нафар иштирокчи ғолиблик йўлида дона суряпти.

Кеча турнирда 8-партия учрашулари ўтказилди. Мамлакатимизнинг биринчи рақамли аёл шахматчиси Нафиса Мўминова бу сафар дуранг ўйнади. Нафиса оқ доналарда ўйнашига қарамай, вьетнамлик Во Дай Дукни енга олмади.

Гулруҳбегим Тоҳиржонова эса кетма-кет иккинчи мағлубиятини қабул қилиб олди. У қора доналарда ҳаракат қилиб, рейтингда ўзидан бироз юқорида турган вьетнамлик Пам Чеонгга ютқазиб қўйди. 

Бугун ўтказиладиган сўнгги 9-тур учрашувлари олдидан Мўминова 4 очко билан қўшимча кўрсаткичларга кўра 61-ўринни эгаллаб турибди. Қирқ еттинчи поғонадаги шахматчида ҳам 4 очко бор. Тоҳиржонова эса 3 очко билан 78-поғонага тушиб кетди.