Нафиса Мўминованинг иккинчи ғалабаси, синглисида мағлубият

7th HDBank Cup International Open Chess 2017 турнирининг мукофот жамғармаси 13 000 АҚШ долларини ташкил қилади. Мусобақада 21 мамлакатдан 103 нафар иштирокчи ғолиблик йўлида дона суряпти.

Бугун турнирда еттинчи партия учрашулари ўтказилди. Мамлакатимизнинг биринчи рақамли аёл шахматчиси Нафиса Мўминова иккинчи ғалабасига эришди. У қора доналарда ўйнашига қарамай, ҳиндистонлик Атарва Годболени мағлубиятга учратди.

Гулруҳбегим Тоҳиржонова эса аксинча, мағлубият аламини тотиб кўрди. У оқ доналарда ҳаракат қилиб, рейтингда ўзидан юқорида турган мьянмалик рақибасига ютқазиб қўйди.  

Бугун ўтказиладиган 7-тур учрашувларидан сўнг Мўминова қўшимча кўрсаткичларга кўра 3,5 очко билан 63-ўринни эгаллаб турибди. Қирқ учинчи поғонадаги шахматчида ҳам 3,5 очко бор. Тоҳиржонова эса 3 очко билан 66-поғонадан жой олган.