15 мар 10:45
Янгиликлар
Шахмат
Нафиса Мўминованинг илк ғалабаси, синглисида дуранг
Опа-сингил гроссмейстерлар - Нафиса Мўминова (2348) ва Гулруҳбегим Тоҳиржонова (2297) Вьетнамда ўтказилаётган халқаро турнирда иштирок этишяпти.
7th HDBank Cup International Open Chess 2017 турнирининг мукофот жамғармаси 13 000 АҚШ долларини ташкил қилади. Мусобақада 21 мамлакатдан 103 нафар иштирокчи ғолиблик йўлида дона суряпти.
Кеча бир йўла иккита партия ўтказилди. Мамлакатимизнинг биринчи рақамли аёл шахматчиси Нафиса Мўминова партияларнинг дастлабкисида илк ғалабасига эришди. У қора доналарда ўйнаб, хитойлик рақибасини енгди.
Иккинчи партияда эса дуранг натижа қайд этди. Гулруҳбегим Тоҳиржонова эса кечаги ҳар иккала учрашувида ҳам муросага келди. Бугун ўтказиладиган 6-тур учрашувлари олдидан Тоҳиржонова қўшимча кўрсаткичларга кўра 2,5 очко билан 48, Мўминова эса 1,5 очко билан 76-ўринни эгаллаб турибди.
Ҳавола :
Манба : olamsport.com
Фикрлар