29 июн 18:50
Янгиликлар

Теннис

Нигина Абдураимова Испания турнирида муваффақиятли иштирок этмоқда

Шу кунларда Испанияда теннис бўйича ITF таснифига кирувчи "W25+H Palma del Rio" турнири бўлиб ўтяпти.

Ушбу мусобақада мамлакатимизнинг биринчи ракеткаси Нигина Абдураимова ҳам ўз имкониятларини синовдан ўтказяпти.

Абдураимова турнирнинг 1/16 финал босқичи доирасида италиялик Николь Фосса Гюргога қарши кортга чиқди. 3 сет давом этган учрашувда теннисчимиз рақибасини 3/6, 6/2, 6/4 ҳисобида мағлуб этиб, турнирнинг 1/8 финалига йўл олди.

Турнирда 3-рақам остида сараланган Нигина Абдураимованинг кейинги босқичдаги рақибаси яна бир италиялик теннисчи Верена Мелисс бўлади.

Таққослаш учун, айни пайтда Абдураимова WTA рейтингида 201, Мелисс эса 600-ўринни эгаллаб турибди.

Ҳавола :

Манба : olamsportcom

Рейтинг: +1