Новак Жокович 2500 доллар жаримага тортилди

Сербиялик теннисчи Қатар пойтахти Доҳа шаҳрида ўтказилган нуфузли турнирнинг ҳал қилувчи финал учрашувида спортга хос бўлмаган ҳаракатларини намойиш этганди.

Жокович тўпни жаҳл устида мухлислар томонга уриб юборганди. Тўп эса мухлисларнинг бирига текканди. Халқаро теннис федерацияси бу ҳолатни беэътибор қолдирмади.

Эслатиб ўтамиз, Новак Доҳадаги турнир финалида дунёнинг биринчи ракеткаси британиялик Энди Маррейни 6:3, 5:7, 6:4 ҳисобида мағлуб этиб, бош мукофотни қўлга киритиш баробарида чемпионлик унвонини ҳимоя қилган эди.