UZ

Сўнгги янгиликлар

16:17Умиджон Жалолов илк босқичдаёқ ютқазди. Қолган икки курашчимизда қандай натижа? 0 15:56Онс Жабер учун Рим таътиллари якунланди 0 15:35Шарофиддин Болтабоев олтин медаль учун германиялик дзюдочига қарши татамига чиқади 0 15:14Америкадаги ҳамюртимиз Муродбек Чориев навбатдаги жангини ўтказди. Унга собиқ UFC жангчиси рақиблик қилди 0 14:53"Ал Насср" ёзда яна бир юлдуз билан шартнома тузиши мумкин 0 14:32Александр Усик Саудия Арабистонига етиб борди 0 14:11Рим "Мастерс". Карен Хачанов Шевченкодан устун келди 0 13:50Ойбек Касимов Осиё Олимпия кенгашининг "Буюк хизматлари учун" ордени билан тақдирланди 0 13:29"Реал" Мбаппе учун нечанчи рақамни тайёрлаб қўйгани маълум 0 13:08Каспер Рууд Рим "Мастерс"даги иштирокини якунлади 0 12:47Нурсултон Рўзибоев ўзига пул таклиф қилган Хоакин Бакли билан юзма-юз келди ФОТОГАЛЕРЕЯ 0 12:26Етакчи боксчиларимиз халқаро мусобақага жўнаб кетишди 0 12:05Бугун Суперлигада 7-турга старт берилади 0 11:44Элина Свитолина Рим турнири учинчи даврасига йўл олди 0 11:23Ломаченко ва Камбосос жанг олдидан тарозига чиқди + ФОТО 0

27 апр 19:49
Янгиликлар

Велоспорт

Ольга Забелинская: “Ҳали фаолиятимни тугатиш режамда йўқ”

Куни кеча ўтган йилнинг шу кунларида Тошкент велоспортнинг шоссе йўналиши бўйича Осиё чемпионатига мезбонлик қилгани ҳақидаги мақоламизни тақдим қилган эдик.

Бугун мазкур мусобақада ҳамюртимиз Ольга Забелинскаянининг 112,8 км масофага кечган гуруҳ пойгаси йўналишида зафар қучиб, Токио-2020 Олимпия ўйинларига йўлланма қўлга киритганига ҳам роппа-роса 1 йил тўлди. Фурсатдан фойдаланиб, спортчимиз билан мазкур ғалаба таассуротлари ва олдиндаги режалари ҳақида қисқа суҳбат уюштиришга ҳам муваффақ бўлдик:

– Ўтган йил Осиё чемпионатида зафар қучганингизга ҳам 1 йил бўлибди. Ушбу ғалаба фаолиятингизда қандай роль ўйнайди?

– Осиё чемпионатидаги ғалаба менинг 2019 йилдаги бош мақсадим эди. Табиийки, тайёргарлик ҳам шунга яраша юқори савияда бўлиб, кўзланган мақсадга етдик. Чемпионатнинг Ўзбекистонда ўтгани, ҳамюртларимизнинг кўз ўнгида мана шундай ғалабага эришишимиз, ўйлайманки, велоспортнинг юртимизда ривож топишига яна бир карра ҳисса қўшган.

– Токио Олимпиадасига тайёргарлик қандай кетмоқда?

– Бутун дунёда юзага келган карантин сабаб режалар тубдан ўзгариб кетди. Мусобақалар тақвими янгилангач биз ҳам режаларимизни қайта кўриб чиқишимиз мумкин. Ҳозирча уй шароитида шуғулланаман ва келгуси йилги ғалабалар учун куч йиғаман. 

– Токио Олимпиадасининг йўлланмаси шосседа қўлга киритилди. Демак, буёғига фақат шу йўналишдаги мусобақаларда қатнашасизми?

– Йўқ. Режаларимга трек пойгаларида ҳам қатнашиш киритилган. Асосий куч Олимпиадага қаратилса ҳам, унгача трек бўйича Осиё ва жаҳон чемпионатлари бор. Мазкур мусобақалар савияси ҳам анча баланд ва уларда ҳам юртимиз учун медаль олиб келиш ниятидаман.


– Токио фаолиятингиздаги охирги старт бўладими?

– Биласизми, ҳали фаолиятимни тугатиш режамда йўқ. Шу боис бу ҳақида гапириш бироз эрта. Жамоам билан катта-катта марраларни забт этишни мақсад қилиб қўйганман. 

Рейтинг: +1   

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг