12 мар 17:35
Янгиликлар

Оғир атлетика, Футбол

Олимпиада чемпиони Руслан Нуриддинов "Қалдирғоч-2017" болалар футбол турнири ёпилиш маросимига ташриф буюрди

Оғир атлетика бўйича Рио Олимпиадаси чемпиони Руслан Нуриддинов "Best sport media" томонидан ташкил қилинган футбол турнирига ташриф буюрди.

10-12 март кунлари мазкур компания томонидан "Қалдирғоч-2017" болалар футбол турнири ташкил қилинди. Бугун эса фестивал кўринишида бўлиб ўтган турнирнинг ёпилиш маросими бўлиб ўтди.

Ушбу тантанали тадбирга Рио Олимпиадаси совриндори Руслан Нуриддинов ташриф буюрди ва ёш футболчиларга медаллар топшириш билан биргаликда, мухлислар учун ташкил қилинган фотосессияда иштирок этди.