Олимпиадани 25.000дан зиёд ОАВлари ходимлари ёритади

Олимпия ўйинларининг асосий медиа маркази Барра кластерида жойлашган бўлиб, бу ерда ижодкорларни тўла-тўкис фаолият олиб боришлари учун зарур барча шарт-шароитлар яратиб берилган. Медиа марказида, шунингдек, банк, кафе, магазинлар кеча-кундуз журналистлар учун хизмат кўрсатмоқда. Бундан ташқари, ҳар бир спорт иншоатида матбуот анжуманларини ўтказиш учун махсус жойлар ҳозирланган. 

Дунёнинг кўплаб етакчи оммавий ахборот воситалари ходимлари қаторида Ўзбекистондан ҳам бир қатор журналист, тасвирчи ва фотомухбирлар XXXI ёзги Олимпия ўйинларини бевосита воқеа жойидан ёритиб боришяпти.

Эслатиб ўтамиз, мазкур Олимпия ўйинларида 70 нафар спортчимиз спортнинг 16 турида Ватанимиз шарафини ҳимоя қиладилар. Ниятимиз Ўзбекистон спортчиларининг зафарли одимлари сарҳад билмасин.

Шавкат Жалилов, Анвар Ильясов, Рио-де-Жанейро шаҳридан махсус тайёрланди