13 авг 09:28
Янгиликлар
Дзюдо, Токио-2020
Олти йилдан бери мағлуб бўлмаётган Ринер икки карра Олимпиада чемпиони!
Франциялик 27 ёшли дзюдочи Тедди Ринер яна бир бор мутлоқ вазн тоифасида дунёнинг энг кучли полвони эканлигини исботлади.
У Рио Олимпиадасида барча рақибларини яққол устунлик билан мағлубиятга учратди. Тедди ҳал қилувчи финал беллашувида дзюдо ватани Япония вакили Хисайоши Хирасавани икки шидо баҳоси эвазига мағлуб этди.
Ринернинг Олимпиада медаллари сони 3тага етди. У Пекинда бронза, Лондонда эса олтин медални қўлга киритган эди. Энг муҳими, Теддининг мағлубиятсиз серияси 115та баҳсга етди. У 2010 йилдан бери мағлубиятга учрамаяпти. У фақат икки дзюдочига ютқазган. Улардан бири ҳамюртимиз Абдулла Тангриевдир.
Ҳавола :
Фикрлар